Лесно се доаѓа!Две девојки во една прилепска кафетерија велат - до дрога лесно се доаѓа!
-Многу е достапна. Да! Се знаат кои се дилерите. На пример, по100 ден.е „мекамо", а најчесто на журки се зема апчиња, таблети..
-Марихуна имаме пробано, така, од чиста љубопитност.
-Родителите не се доволно информирани за дрогата.Тие знаат само дека е штетна, а какво влијание има врз човекот не знаат."
Нивното раскажување го потврди и едно момче:
-Да, многу лесно може да се дојде до дрога во Македонија: марихуана, кокаин, хероин, екстази, крек... само треба да сакаш да ги употребуваш. Цената варира од недела во недела, во зависност од пратката како ќе помине на граница. Мој личен став е дека нема лесни и тешки дроги. Дрога е дрога и нема излегување од неа.
Дали дрогата ја има во училиштата, прашавме една средношколка во училишниот двор.
-Па, не букавално во кругот на училиштата. Меѓутоа помеѓу учениците од средните училишта, да... Најчесто се користат екстази и марихуана - вели таа.
Родителите недоволно упатениРодителите за БиБиСи велат дека не знаат многу за видовите дроги, а за последиците чуле само од медиумите:
-Читав за тоа, гледав на ТВ, но сето тоа изгледаше како нешто што им се случило на другите. Се запрепастив од фактот кога кај мојата ќерка пронајдов сомнителна цигара. Секогаш веруваме дека „не моето дете не! Тоа некои други!“ - вели една мајка.
Родителите недоволно упатени за дрогите
-Проблемот некогаш тешко може да се реши заради предрасуди, смета една госпоѓа и додава „што би рекол народот - око да ти пукне, но глас да не ти пукне" затоа што ете ќе излезе муабетот и готово, остана семејството бележано."
Генезата на проблемот и е социјален, тврдат стручњаците. Во семејството и училиштата недостигна воспитниот елеменет вели социјалниот работник, Ленче Михајлоска:
-Големата невработеност во семејството, нарушените семејни односи, слабата контрола од самите родители, училиштето недоволно обрнува внимание за оној воспитен елемент и сето тоа придонесува младата личност да го поминува времето неорганизирано, па доаѓа во допир со дрогите, кои им се нудат на секој чекор.
Драган Јованоски е раководител за недозволена трговија со дрога и оружје, од прилепската полиција и смета дека проблемот со дрогата не е алармантен:
-Сеуште немаме регистрирано големо присуство на дрога. Можеби нешто малку, али не е алармантна состојбата!
И ОБСЕ во акцијаТомас Ботерман, инструктор на проекетот „Соработка меѓу полицијата и грѓаните" од ОБСЕ смета дека проблемот со дрогота е решлив доколку постои координација и комуникација меѓу институциите:
-Многу институции работат со проблемот на дрогата, но независно едни од други, некоординирано. Има многу ученици, родители кои се соочуваат со овој проблем, но немаат јасна претстава кој може, во кој случај да им помогне "
Мрежното поврзување на институциите во борба против продажбата и користењето на дрога е кампањата која ја нуди Министерството за внатрешни работи и одделниот за Развој на полицијата од ОБСЕ.