Музички вести

Овде за музички вести! За да не се отвараат нови теми!

ту бе чоек лупа да земам тешко ќе прочитам!

Ени Ленокс ЗАКОН!!!!

аха! ама па сидата не ја имаат само сиромашни! не беше фреди сиромашен! ок тогаш уште не го знаеле добро! но да, фино од нејзина страна!

Реформирање на Полицијата
По цели 23 години пауза, повеќе соло-проекти и хитови, почетокот на 2007-ма ќе донесе повторно обединување на една од највлијателните групи на светот - Полис. Повод за повторната средба на Стинг и пријателите е одбележувањето на 30-годишниот јубилеј од основањето на бендот.

Според весникот Daily mirror, вокалот и басист Стинг, тапанарот Стјуарт Копланд и гитаристот Енди Самерс веќе ги закажале термините за првите проби. Во чест на годишнината тие планираат да тргнат на турнеја низ Британија а нивната издавачка куќа A&M ќе издаде некои од нивните претходни материјали.

Официјалното обраќање на членовите на групата е закажано за крајот на јануари, откако претходно ќе ги прецизираат датумите за концертите. Како можни термини се споменуваат мај и јуни, но според претставникот на А&М тоа се уште не е дефинитивна одлука.

Првата постава на Полис беше формирана во јануари 1977-та година од Стинг, Копланд и тогашниот гитарист Хенри Падовани кога го објавија првиот сингл "Fall Out/Nothing Achieving".

За 7 години постоење издадоа 5 албуми од кои потекнуваат хитовите: “Roxanne”, “Walking on the moon”, “Mеssage in the bottle”, “Every breath you take”, “Can’t stand losing you” и “Every little thing she does is magic”.

Гневот се враќа во музиката
По седум години, релативен мир, соживот и тишина на музичката сцена, во април годинава се враќа ултра-левичарскиот бенд Rage Against the Machine кој ќе се обедини за една уникатна свирка во јужна Калифорнија.

Бендот познат по својот гнев кон капитализмот (и покрај тоа што снимаше за издавачка куќа во сопственост на Сони), ќе настапи на Coachella Valley Music and Arts Festival, тврди Лос Анџелес Тајмс.

Рејџ се прославија со песната Killing in the Namе која беше дел од албумот Rage Against the Machine од 1992-ра. По ова следуваа Evil Empire од 1996-та и The Battle of Los Angeles 1999-та.

Меѓутоа, поради постојани несогласувања во октомври 2000-та, пејачот Зак де Ла Роча го напушта бендот. По ова, остатокот од бендот заедно со пејачот на Саундгарден, Крис Корнел, го формираат Аудиослејв. Тие снимија три албуми а во мај 2005-та станаа првиот американски бенд што имал настап на отворено во Куба.

Освен РАТМ, на концертот се очекува дека ќе настапат и Ред Хот Чили Пеперс, Соник Јут, Вили Нелсон, Ману Чао и Бјорк.

Оскар плеј листа
Филмската академија одбра вкупно 56 песни од долгометражни филмови, кои треба да го дадат добитникот на Оскар во категоријата за најдобра оригинална песна за 2006-та. Меѓу нив и "Борат верзијата" на казахстанската химна.

Најголем број на номинации, по 3, имаат мјузиклот "Dreamgirls" и анимираниот филм "Over the Hedge". Првиот филм е преставен со песните "Listen," "Love You I Do" и "Patience," а цртаниот со "Family of Me," "Heist" и "Still."

На 16 јануари, академијата на своите членови (во Њујорк и Беверли Хилс) ќе им ги претстави спотовите од сите номинирани песни, по што жирито треба да одлучи кои пет ќе влезат во последниот круг.

За да се квалификува во изборот, песната мора да биде составена од зборови и музика кои се создадени ексклузивно за филмот а нејзиниот текст и звук јасно се слуша во некој дел од филмот или да е искористен во најавата или одјавата.

номинирани

Ози рулз
Во најбизарниот хеви-метал настан, уште од времето кога Ози Озборн одгриза глава на лилјак, истиот тој, Принцот на темнината, најави дека влезниците за Озфест турнејата во 2007-ма која ќе мине низ 25 градови, ќе бидат - целосно бесплатни.

"Ова е 12 наша турнеја и сакаме да направиме нешто ново. Не велам дека сега јас сум Мајка Тереза а Ози дека е светец. Ама знаете што? Ова го правиме одамна а цело време фановите навистина добро се однесуваат со него. Па и да мине едно лето од неговиот живот без да биде платен и не е толку страшно," изјавила жена му на Ози за Асошиејтед Прес.

Минатите години, картите за Озфест чинеа помеѓу 35 и 150 долари, што полека почна да ја надминува границата до која можеа да платат лојалните рокерски фанови.

Сега, голем дел од организаторите се растрчани по собирање корпоративни спонзори кои ќе ја покријат турнејата. Според Шерон до сега се потпишани договори со шест компании.

Турнејата започнува на 7 јули.

Џими Хендрикс енергија
Во април на американскиот пазар ќе се појави нов енергетски пијалак Liquid Experience, насловен според албумот на Џими Хендрикс, Are you experienced. Но неговите фанови се далеку од среќни со сквернавењето на гитарскиот гуру преку промовирање на производи кои немаат врска со неговата музика.

Според Associated Press името на Хендрикс и е лиценцирано на калифорниската компанија за пијалаци Beverage Concepts за нивниот најнов производ. Иако ваквиот вид на брендирање не е ништо ново, сепак фановите не ја подржуваат оваа идеја.

”За мене е многу разочарувачки да видам како е потценет неговиот имиџ и сите убави нешта кои тој ги остави зад себе”, вели Фли од Red Hot Chilli Peppers.

Beverage Concepts го тврдат спротивното, откривајќи дека компанијата на тој начин всушност ќе му оддаде почит на Хендрикс бидејќи дел од средствата добиени од продажбата на производот, ќе и бидат донирани на една непозната фондација за музичко образование.

Но, ова не е прв пат да се користи името на оваа музичка легенда во маркетиншки цели, меѓу производите кои го носат неговото име и лик е и Hendrix Electric Vodka која се произведува во Ајдахо.

Кит Органски Ричардс
Гитаристот на Стонси, Кит Ричардс, одлучи дека е време да стори нешто за своето здравје и да започне да води поздрав живот, поради што реши да се префрли на - вотка со органско потекло.

Според медиумите, тој го сторил ова под притисок на жената на Рони Вуд, Џо Вуд, која е хард-кор промотор на "зелено живеење".

"Му купив на Кит 12 шишиња вотка за неговиот роден во декември и тој беше презадоволен. Од секогаш им велам на сите од бендот дека треба да пијат алкохол со органско потекло. Понекогаш мислам дека веќе не можат да ме трпат," изјавила Џо Вуд.

Инаку, жената на Рони, го развила својот интерес за органска храна откако била погрешно дијагностицирана со болест на системот за варење. Таа има напишано книга на оваа тема и поседува компанија за производство на козметички производи со органско потекло.

Money, money, money
Едно Б од АББА му должи на шведското даночно биро 8,8 милиони евра за неплатен данок на целиот профит што го направил од продажба на авторски права од неговите песни.

Според еден шведски весник, Бјорн Улвеус основал оф-шор компанија на островот Холандски Атили, на чија сметка бил исплаќани неговиот дел од хонорарите и надоместоците за користење на материјалите на АББА.

Шведските даночници прво бараа 11,4 милион евра, по што апелациониот суд ја намали казната на 7,1 милион евра, за на крај владата да пресече и да побара 8,8 милиони евра.

Истиот весник тврди, дека Улвеус сега го чека исходот од неговата жалба на сумата што треба да ја плати за 2004-та и 2005-та. Инаку до сега групата има продадено вкупно 370 милиони албуми, од што сите членови на АББА заработиле околу 445 милиони евра.

Live Earth
По примерот на Live Aid, во јули годинава ќе се одржи уште еден ваков настан од глобален карактер. Најавено е истовремено одржување на концерти на сите континенти на кои ќе настапат преку 100 светски музички ѕвезди. Доколку се оди според планот, ќе биде одржан и првиот рок концерт на Антарктикот.

Промотор на концертот е поранешниот американски потпретседател Ал Гор, кој преку разни настани и проекти активно се залага за заштита на околината и спречување на глобалното затоплување.

Почеток на концертот е закажан за 7 јули а организаторите планираат да го привлечат вниманието на 2 милијарди гледачи, вклучувајќи ги и оние кои ќе го следат настанот преку телевизијата, радиото и интернетот.

Live Earth е замислен како глобален СОС повик за мобилизирање на луѓето ширум светот да преземат сериозна акција за спасување на планетата.

Свој удел во овој проект ќе дадат повеќе од 100 изведувачи, меѓу кои и: Lenny Kravitz, Foo Fighters, Red Hot Chilli Peppers, Bon Jovi, Snoop Dog, Sheryl Crow, Duran Duran, Korn, Pharrell, the Black Eyed Peas, Akon, Enrique Iglesias, Fall Out Boy, AFI, Damien Rice, Corrine Bailey Rae, Keane, Kelly Clarkson, Faith Hill, Tim McGraw...

Во план е градови домаќини на концертите да бидат Шангај, Јоханесбург, Сиднеј, Лондон, Кјото, Рио де Жанеиро и некој од поголемите градови во САД.

Live Earth концертот ќе го следи моделот за прв пат искористен во 1985-та година при одржувањето на Live Aid концертот и повторно употребен во 2005-та година кога ѕвездите пееја против Г8 на Live 8 концертот.

Греми 2007-ма
Годинашното доделување на музичките награди Греми помина во знакот на Mary J. Blige, Red Hot Chilli Peppers и Dixie Chicks, освојувајќи најголем број награди и издвојувајќи се како најуспешни изведувачи за 2006-та година.

Тексашкото трио Dixie Chicks успеа да ги освои наградите во сите 5 категории во кои беше номинирано, вклучувајќи ги и оние за најдобар кантри албум и песна на годината. Двојниот албум "Stadium Arcadium" на Red Hot Chilli Peppers им донесе четири признанија, од кои како најважно се издвојува она за најдобар рок албум.

Албумот "The Breakthrough" на Mary J. Blige беше награден со три трофеи, носејќи и победи во категориите за најдобар R&B албум, најдобар R&B женски вокал и најдобра R&B песна.

Најдобар дует за 2006-та година е оној на Томи Бенет и Стиви Вондер за заедничката песна "For Once in My Life". Christina Aguilera ја доби титулата најдобар поп женски изведувач за песната "Ain't No Other Man", додека John Mayer ја доби истата награда, но во категоријата за машки вокал за песната "Waiting on the World to Change".

Меѓу номинираните за најдобра изведба на дуо или група, победата ја извојуваа Black Eyed Peas, за нивниот голем хит "My Humps".

Најдобар поп албум на годината беше прогласен "Continuum", во изведба на John Mayer, наградата за најдобар рап албум му беше врачена на Ludacris за "Release Therapy", додека албумот "St. Elsewhere" на Gnarls Barkley е најдобриот албум на алтернативна музика.

Полиција и профит
Со настапот на Греми наградите, Полис ја одработи првата свирка од својата повратничка светска турнеја. Одлуката за помирување и реорганизирање, на членовите на бендот се очекува да им донесе вкупно 230 милиони евра.

Самиот Стинг, кој пред 20 години беше причина за распаѓање на бендот, на прес конференцијата се шегувал дека сега е "докажано луд," штом воскреснал бенд за турнеја која ќе започне во Северна Америка, ќе продолжи во Европа, Јужна Америка, Јапонија и ќе заврши во Австралија и Нов Зеланд.

Турнејата ќе започне на 28 мај со концерт во Ванкувер, по што се до почетокот на август ќе се задржат во Северна Америка. Организатор на настапите на Полис е менаџерот Мајкл Кол, кој стоеше зад милијарда долари вредната турнеја на Стоунси.

Добрата вест за фановите е што Полис се согласиле да одржат дополнителни концерти во сите градови каде постои зголемен интерес за нив. Лошата вест се високите цени на картите, кои се очекува да бидат во рангот на оние од турнејата на Стонси

Трансформацијата на Бритни е комплетна
Сите оние кои типуваа на 15-ти февруари, како ден кога Бритни ќе се пријави за рехабилитација, честито. Сите оние кои типуваа на 16-ти февруари како ден кога Бритни ќе се одјави од рехабилитација, повелете да си ја замете наградата. Меѓутоа, најинтересно се случи токму по излегувањето од болница, кога Бритни одлучи - да си ја ИЗБРИЧИ ГЛАВАТА!




















леле ко вонземјанин е! ви ком ин пис!

Одкако се женеше стана сток....

а зашо се избричила? и кај била на рехаб? шо и е на оваја беее???

и фали некој штраф.....божем била на рехабилитација или каде тамо, за да и напраат формат у тоа тиквата, ама овие ептен сериозно сватиле изглеа, се и счистиле од главата

znaete deka se snima film spored knigata na kobejn
p.s. me mrazi da baram na internet pa samo soopstiv

i britni mislam deka se isisa zaradi toa so veke nema so so da privlece vnimanie pa samo pravi gluposti

Па шо да прави кога више никој не ја рецка ни 2%

Само за информација денес му е роденден на Ерик Клептон

pa neka mu e sreken uste dolgi godini zivot

Кит Ричардс само се шегувал кога во интервјуто за магазинот NME изјави дека најчудното нешто што се обидел да го шмркне е пепелта од неговиот починат татко, тврди портпаролот на Ролинг Стоунс.

“Не можам да поверувам дека некој тоа го сфатил за озбилно”, изјавил гласноговорникот, Брендон Доерти за MTV News.

На официјалниот сајт на групата Ролинг Стоунс, Кит Ричардс и самиот објави демант на сопствената изјава, во кој вели дека бил особено близок со својот татко и дека пепелта ја закопал под дабот кој го посадил.

”Во овој период од животот не би користел кокаин, освен ако не сакам да се самоубијам”, додава Ричардс.

Од друга страна пак, новинарот кој го правеше интервјуто, Марк Бомон смета дека се што кажал Кит било вистина, бидејќи во исповедта имало премногу детали кои тешко можат да се измислат во моментот.